__________________________________________________

(This space will be reserved for literary contributions from readers. The PUNCH encourages readers to write and email to us their thoughts about their impressions and ideas about life in and outside of Pangasinan, whether social or economic or cultural. No politics, please. Thank you. - Publisher).

__________________________________________________

 

Anto so Kakanaan na Sakey ya Umaanlong a Pangasinan?

nen Santiago B. Villafania

 

 

“Our literatures in Tagalog, Cebuano and Ilokano will continue developing as the writers in these languages become more facile with craft. Tagalog has truly become a national language. But the minor languages like Pampango, Zambal and Pangasinan will be poorer – there are no novels written in these languages now, and even their poetry is disappearing.” — F. Sionil Jose

Para angan ko ed saray oala ni ed kalangoeran ya naubol so ulo ra ed aoiran no iner say uusaren a salita et Filipino tan English, nayarin anggapo. Ompano ag da labat la naparlasan na linggis ira’y sulsulat da’ra’y pigpigaran umaanlong ed luyag. Say makasengeg, anggapo’y pililikna la na tobunbalo ed abangonan ya salita. Sakey ni, ag da aaralen, panaaralan tan inaral so salitan Pangasinan ed impapaletneg iran aoiran tan unibersidad.

Naandi ira’y umaanlong tayo a singa no kaoayan ed datin Caboloan. Anggaman ontan, nampanaon so salita tan litiraturan Pangasinan ed lima da’ra’y zarzuelista a manlapu ed si Pablo Mejia angga ed say nobilistan si Maria Magsano. Limamplon taon so apalabas insan lamet binmaltaw ira’y pluma da’ra’y sumusulat ed taoir a salita. Bangbalet asagmak ira natan ed mairap a kipapasen ta aliing tan abangon ira ed panaon da’ra’y kailalakan ya oala’y siping a dila.

Anggapo la’y dengel na sakey ya umaanlong natan ta pilatek ni na karaklan ira’y sumusulat ed bayes a dila. Ipikto iya na impakurang a polisiya ed edukasion ya usaren so Filipino, say salitan onkana ed lapag a bansa tan say salitan Inglis.

Anto sirin so kakanaan na sakey ya umaanlong a Pangasinan natan? Oala kasi? Balbaleg, ta oala’d lima da’ra’y umaanlong so bilay na salita tayo. Sikara so samput a manangiyagel ed kaandi tan katiguay na salita o lingguahi tayo. Oala’d lima da’ra’y umaanlong so ibolusion na salita tan litiraturan Pangasinan.

Saray umaanlong et alioan para ed saray kapara da ‘ran umaanlong labat, ingen, sikara so mansisirbin manangioanoan ed saray oala ni ed kalangoeran ta pian nakabatan tan naamtaan da so balor na salitan abangonan.

Dia ed biek taew, laut la ed bansan America, oala ‘ra’y itatalaga ran Poet Laureate ed kada Istado. Simbaoa ira na atagey a kalkalar. Bibirbiren tan ikikinon da met la’ra’y umaanlong natan a mansusulat ed dili ran salita ed nanduruman rihion dia’d apatiran sukong na mundo.

Pigara ed saray nagmaliw a Nobel Prize Winner for Literature et umaanlong - Rudyard Kipling, Rabindranath Tagore, William Butler Yeats, T. S. Eliot, Pablo Neruda tan arum ni’ra.

Kanian sirin kabaleyan tan kaluyagan, no tepeten yo no anto so kakanaan na sakey ya umaanlong a Pangasinan?

Makanakana ira a singa saray bumabangat, abogado, doktor, pastor, politiko, panadiro, basuriro, dumaralos, sumisigay tan managlako’y pandisal ya onliliber-liber ed kaabungan tayo no palbangon.

–  Santiago B. Villafania http://www.dalityapi.com/

 

__________________________________________________

(This space will be reserved for literary contributions from readers. The PUNCH encourages readers to write and email to us their thoughts about their impressions and ideas about life in and outside of Pangasinan, whether social or economic or cultural. No politics, please. Thank you. - Publisher). 

__________________________________________________

 

‘The calm after the storm’, what’s next?

By Jose Sison Luzadas
     Delray Beach, FL
     luzadas@bellsouth.net

 

“SOLDIERS should not regard themselves as a “potent political force” and should not intervene in politics even if their commander-in-chief is embroiled in controversy.” … General Generoso Senga 
 
“The role of the Armed Forces in these trying times must remain apolitical and must not wrest power for ourselves.”

“The military’s constitutional duty as protector of the people is “not a license” to grab power from civilian authorities on the basis of “perceived” misdeeds.

“As professional soldiers, we do not enjoy an unrestrained license to engage in partisan politics or publicly speak our minds against the government.” … General Hermogenes Esperon Jr.                                            

There are still few good gentlemen and officers in the Philippine Armed Forces, bred in the West Point and Baguio who cannot be cajoled playing the “modernizing” generals that Gregorio Honasan and Danilo Lim believed themselves to be so.

There is a handful civilian-military / politicians who nurture that coup d’tat, is the only accessible backdoor to power grab.

While it is lamentable that majority of our citizens “just go with the flow”, it’s high time for the rest of us to show demonstration of support to the stand of Generals Senga and Esperon and the men in their chain of command. We must declare our faith, integrity and trust of their leadership and to every rank-and-file soldier having shown a unique role they are prepared during the crisis of our 60 year-old republic.

Was it God’s wonders not giving in to former President Cory Aquino’s wish and prayers? Was it a denial to the clamor and yearning of Joseph Estrada to return to power?

Or was this the last wake up for President Arroyo to spend the five remaining years nothing but an enlightened governance where there is no excuse accepted of any commission of anomaly or shades of corruption?

God bless the poor hungry Filipino massess for they have been spared from unnecessary death, destruction and despair initiated in part by those who pretend to work for their cause.

Pity our country for she has suffered enough, long wanting the services of true, honest and dedicated men and women in the government who think that serving the people is the noblest thing next to being a citizen.

Godf bless the Philippines and protect her from further harm!

__________________________________________________

(This space will be reserved for literary contributions from readers. The PUNCH encourages readers to write and email to us their thoughts about their impressions and ideas about life in and outside of Pangasinan, whether social or economic or cultural. No politics, please. Thank you. - Publisher). 

__________________________________________________

 

 

 Riklamasion na Pankaluyagan a Litiratura
nen Santiago B. Villfania

Napantotoonan to natan na imano nen National Artist for Literature a si Virgilio Almario so pilalek ton “Reklamasyon ng Pambansang Gunita” a say labay ton nagaoa et say pamaoi na karaanan ono taoir a litiratura ya onkana ed lapag a bansa. Balet no say pantutongtongan la et say litiraturan pambansa karaklan no alioan amin ed saraya et nisulat ed salitan Tagala. Ag onaabuloy iyan sumusulat ed piaet nen Almario ta sakey iyan makasengeg ed lalon kabalang na litiraturan nisulat ed abangonan a salita.

No saray anlong, pangoliran, tongtong tan arum ni’ran kabiangan na litiraturan Pangasinan et isalin ed Tagalog o Filipino, ag ombayag manmaliw layan kabiangan na litiraturan Tagala tan nayarin ag la nabirbir so nanlapuan ton salita dia ed arapen iran panaon.

Mas mararakep no say gaoaen tayon riklamasion et onkana para ed lapag a luyag ta sikatoya so nakaukulan laut la ya say litiraturan Pangasinan et oala la’d tambib na kabalang ono ibolusion.

Manlimamplon taon lan dinmeen so pluma da’ra’y sumusulat a Pangasinense. Ag la amta na tobunbalo tan oala ni’ra’d kalangoeran ira’y taoir tayon dangoan, anlong, uliran tan saray alinglingoanan la’ran “oral literature” a kuan. Saraya komun so nepeg tayon iriklama ono baoien tan pasimbaloen no nakaukulan para ed saray kailalakan tayo natan tan dia ed arapen.

Say bilay na sakey a salita
Oala’d mabunan litiratura

Aya so mabetbet kon ibabaga tan ipapaneknek ed saray makakalingoan lan sumusulat tan umaanlong tayo. Aminsan say Pangasinan et oala’y dili ton litiratura a sarag ton mipara ed saray litiratura na Tagalog, Cebuano, Ilocano, Bicolano, Waray, Hiligaynon tan Kapampangan.

Dinmalan so Golden Age na Pangasinan Literature nen panaon da’ra’y zarzuelista, balet nanmaliw a tanson panaon ta angga’d natan ag ni binmulaslas so Renaissance na litiraturan Pangasinan. Pigpigara nen say kaoayan iran bolo so mansusulat ed salita tayo natan. No oala bilang et manbibinukbukuran ira ta anggapo la lanti so pililikna da’ra’y kaluyagan tayo ed sulsulat iran Pangasinan ta pilatek tan labay da nin basaen so nisulat ed Tagalog tan Ingglis.

Anggapo met so suporta da’ra’y aoiran tan unibersidad ed saray sumusulat tan umaanlong angipalalo la’y panbubulag-bulagan tan pantetelek-telekan da’ra’y akayorong ed lokal a gobierno tayo. Anggapo’y oala ed sikara no omboyangabong ono andi so litiratura na Pangasinan. Anggapo’y oala no naepel so ilalam ono imahinasion da’ra’y Pangasinenses tan nabalang so kultura tan kamarerua da’ra’y mibabaley. Say kabkabat tan amta da labat a yaliguas et dia ed yalagey na konkriton baley o siudad tan dia ed panamegley na pilak.

No paulyanan tayo so taoir tayon litiratura ag araoin bayesen ono laen iya na sumusulat ed kakaabay iran luyag tan yarum ed panulatan da. Ag tayo la nababaoi so kopian kanepegan ed saya no nisulat tan nipatalus la ed sananey a salita.

Anggapo’y maoges ed panpipilalek ton “rekalamasyon” nen Almario, balet kanepegan tayon baoien a manguna so karian tayo sakbay a yabobon iya ed litiraturan pambansa.

Nakaukulan tayon bilayen so litiraturan Pangasinan tan mibansag ed saray arum a luyag tan kaagian tayo ed panulat ya mamaoi ono manriklama na taoir tayon “gunita”.

Balbaleg so pananisiak a dia ed panamegley na sayan riklamasion nakabatan tayo so balur na litiraturan Pangasinan tan natukor no angga’d iner so pililikna tan panangaro tayon Pangasinenses ed dilin salita.

Andibali labat la no say labay tayon nagaoa et say “Reklamasyon ng Ulyaning Gunita” tan no talagan anggapo la’y nagaoaan na sumusulat tan umaanlong tayo ta naemel tan amagaan la’y kanonotan da’ra’y musian Pangasinan.——-
No oala bilang so komento, kritisismo ono labay a tepeten ed say akansulat, email yo pa labat ed sonny@eac.edu.ph odino svillafania@gmail.com

No oala met so malaem ya oras yon man-internet, oala’y  website to ed http://www.dalityapi.com no iner nabasa yo ‘ra’y arum ni’ran anlong to ed salitan Pangasinan.–
Santiago B. Villafania
http://www.dalityapi.com/