A Kabaleyan's Thoughts…

Posted on February 15, 2006 - Filed Under A Kabaleyan's Thoughts |

 (This space will be reserved for literary contributions from readers.The PUNCH encourages readers to write and email to us their thoughts about their impressions and ideas about life in and outside of Pangasinan, whether social or economic or cultural. No politics, please. Thank you. - Publisher).

 

Villanelle 3: Aligando
By Santiago Villafania

 

binasibas ko’y linggis so lingsi
na labiteoen ed dorongaoan
sikato la lagi so pinabli

katupag tonia’y puson naoli
ed lurey na aro ya tinmaynan
binasibas ko’y linggis so lingsi

na musia ed malinak ya labi
sikato la lagi so insipan
sikato la lagi so pinabli

say masimoon ya inpikasi
tan pirpiraoat ya nagamoran
binasibas ko’y linggis so lingsi

say limgas na uman ag naandi
yumis na imis to’d kanonotan
sikato la lagi so pinabli

say aligando nen Apolaki
ya inkorit ed bilay-aoaran
binasibas ko’y linggis so lingsi
sikato la lagi so pinabli

Comments

Leave a Reply